المصدر: لبنان 24
بذكرى انفجار مرفأ بيوت روت مذيعة الأخبار في الـ MTV نادين كفوري رزق ما حصل معها خلال هذا النهار المشؤوف على خاصية الستوري على تطبيق انستغرام، لاسيما وانها كانت حامل في الشهر السادس.
وكتبت نادين: “بمتل هالنهار ولما سمعت صوت الانفجار على التلفون وانا وعم بحكي مع زوجي وفكرت انو الانفجار طلع بمكتبو ومن بعد ما هز البيت فيي وسمعت صوت الانفجار وانا حامل بالشهر السادس دخلت بمخاض الولادة المبكرة واللي هيي بهيدا الشهر كتير خطرة على الجنين من دون تفاصيل الوجع والخوف والقلق والبكي ولد ابني وزنو ما بيتخطى 800 غ ومشكوك 100 ابرة ومصل وموصول على اكتر من آلة.”
وتابعت: “صحيح نهاية مشوارنا كانت سعيدة ولكن لأ ما رح سامح اللي شوه اجمل أيام حياتنا وعرض حياة ابني للخطر . كل واحد منا عندو جرح بهيدا اليوم بعينا الدمعة المهم ما ننسا ونطالب بحقنا. العدالة.
الموت ابشع حقائق هالحياة ولكن القتل اقسى وابشع بكتير والوجع اللي بيتركو ما بينمحا .
الخوف والقلق اللي زرعوا فينا كمان بيشبه بشاعة الموت.”
